Moti i keq i ditëve të fundit, i shoqëruar me erëra të forta kanë shoqëruar vendin këto ditë. Si pasojë degë pemësh janë thyer duke u kthyer në rrezik për njerëzit dhe mjetet.
Ngjarja e fundit është shënuar në mesditë në kryeqytet, ku një degë peme është rrëzuar mbi një mjet në afërsi të qendrës së Tiranës. Dega ka thyer xhamin e mjetit duke rënë mbi sediljen e pasagjerit. Për fat të mirë nuk ka pasur njeri në atë vend. Drejtuesi i mjetit ka shpëtuar për mrekulli.
