Këtë të hënë kryeministri Edi Rama ka drejtuar mbledhjen e parë të grupit të PS-së pas pushimeve, dhe para seancës plenare që do të mbahet pasditen e sotme në Kuvendin e Shqipërisë.
Ai i ka uruar mirëseardhjen edhe deputetit shkodran Agron Çela, i cili merr pjesë në mbledhjen e parë të grupit, pas ikjes nga Partia e Lirisë.
Mësohet se kryesocialisti Rama ka bërë një analizë të performancës së ministrave në raport me parlamentin në lidhje me aktivizimin dhe prezencën.
Sipas tij, performancën më të mirë e ka ministrja për marrëdhëniet me Parlamentin, Elisa Spiropali, ndërsa performanca më e dobët është për ministren e Jashtme, Olta Xhaçka.