Dorëzimet e mandateve nga deputetët e PD-së po bëhet një normë. Viti 2023 nisi po me një dorëzim mandati, këtë herë nga një deputet jo shumë i njohur, nga qarku i Vlorës.
Fati është në derën e tij, sepse Gëzim Ademaj do të marrë mandatin e dorëzuar nga Fation Veizaj, thotë se do të jetë pjesë e grupit parlamentar të Partisë Demokratike, por nuk do të heqë dorë nga çështja çame.
“Kam qenë në fushatë i përfaqësuar nga PD, dhe i mbështetur nga PDIU. Ashtu si në fushatë do qëndroj me PD, do qëndroj me grupin parlamentar të PD. Për mua është një grup. Vij nga shoqëria civile, nuk jam marrë me politikë. Është për tu përshëndetur kjo hyrje. Nuk jam as politikan as biznesmen, jam thjesht një punonjës i diplomuar”.