Një 35-vjeçar është vënë në prangat e policisë së Tiranës pasi është kapur me sasi të konsiderueshme medikamentesh të ndryshme, të cilat i kishte kontrabanduar dhe i tregtonte në internet.
Policia bën me dije se 35-vjeçari Amarildo Muço i reklamonte ilaçet në disa faqe online. Gjatë kontrollit në banesën e tij u gjetën dhe u sekuestruan sasi të konsiderueshme barnash të ndryshme.
Mbi të tashmë rëndojnë tre akuza: “Tregtimi dhe transportimi i mallrave që janë kontrabandë”, “Ruajtja apo depozitimi i mallrave që janë kontrabandë” dhe “Fshehja e të ardhurave”.