“Nuk kam më energji”, thotë kryeministrja e Zelandës së Re, Jacinda Ardern, e cila ka njoftuar dorëheqjen e saj. Ky vendim vjen pas pesë vjet e gjysmë në detyrë dhe nëntë muaj para zgjedhjeve legjislative.
“Unë jam njeri. Nuk kam më energji për të vazhduar. Këto kanë qenë pesë vitet më plotësuese të jetës sime. Po largohem sepse kjo punë e privilegjuar përfshin edhe një përgjegjësi të madhe, atë të dish se kur je personi i duhur për të udhëhequr vendin dhe gjithashtu kur nuk je. Ne japim gjithçka që mundemi për aq kohë sa mundemi dhe pastaj vjen koha. Dhe ajo kohë ka ardhur për mua”, u shpreh ajo.