Kreu i PD, Sali Berisha ka reaguar menjëherë pasi në media u bë publik lajmi i vdekjes së xhaxhait të Alda Klosit.
Në një postim në rrjetin social “Facebook”, Berisha shkruan se Klosi, të cilën e cilëson si hajdutja e qeverisë nuk ka kursyer as familjarët në agoni.
“Hajdutja e qeverisë, Alda Klosi nuk kursen as familjarët në agoni! Krim!”-shkruan Berisha.
Kujtojmë se në deklarimet e dhëna në polici Klosi tha se 120 mijë eurot e grabitura në banesën e saj ishin të xhaxhait i cili ia kishte dhënë për të mobiluar shtëpinë dhe për nevoja të tjera pasi ishte i sëmurë me kancer.