Filmi i prodhuar në vend ‘The Alleys’ shkaktoi një debat të ashpër publik me ata të ofenduar nga përshkrimi i shoqërisë jordaneze dhe të tjerëve që mbrojnë lirinë e shprehjes.
“The Alleys”, i realizuar nga regjisori i nominuar për Oscar, Bassel Ghandour, tregon ngjarjet në një “lagje klaustrofobike ku thashethemet dhe dhuna kontrollojnë sjelljen e njerëzve”, përshkruan përmbledhja e filmit.
I transmetuar në Netflix që nga fillimi i Janarit, ai u sulmua rëndë nga shumë qytetarë dhe disa deputetë në parlament për atë që ata e përshkruajnë si një portretizim dekadent të shoqërisë dhe përdorimin e gjuhës së turpshme.
Deputeti i parlamentit jordanez, Dr. Mohammad Abu Suailik është shprehur:
“Ky është një sulm i madh ndaj lirisë së njerëzve të tjerë, vlerave, fesë dhe besimeve të tyre. Regjisori dhe financuesit e tij duhet të mbajnë përgjegjësi”
Nga ana tjetër, shumë e mbrojtën filmin duke thënë se ai përfaqëson disa aspekte të shoqërisë dhe bënë thirrje për mbrojtjen e lirive të shprehjes. Falah Mahmoud, banori i lagjes ku u xhirua filmi, shprehet:
“Ai përfaqëson realitetin tonë, ky është realiteti ynë, ne përdorim gjuhë të turpshme dhe të njëjtat gjëra ndodhin”.
Ndërkohë, gazetare dhe kritike të tjera jordaneze, Israa Radaydeh, e panë diskutimin publik në vazhdim si të natyrshëm.
“Çdo film, jo vetëm ky, duhet t’i bëjë shikuesit të mendojnë, nëse nuk i shtyn të mendojnë, atëherë nuk i ka ndikuar, përderisa i ka shtyrë të mendojnë, qoftë në mënyrë pozitive apo negative, dhe ta diskutojnë atë. kjo do të thotë se e ka përmbushur qëllimin e saj”.
The Alleys ka fituar shumë çmime duke përfshirë çmimin e audiencës në Malmo Arab Film Festival me një përmendje të veçantë nga juria.