PD po kalon në një moment krize.Deputetja Zheni Gjergji, thotë se demokratët nuk duhet të drejtohen nga një lider i inkriminuar.
“Shqipëria është në një moment që ka nevojë për një forcë të re politike te djathtë. E djathta është në një moment krizë identiteti dhe unë mendoj se e shkuara duhet të ndahet nga e ardhmja. Kemi nevojë për lider të ri, për një forcë të re politike të djathtë, por edhe për persona të painkriminuar në politikë dhe të palakueshëm. Kjo ka qenë mangësia e të djathtës shqiptare që gjatë këtyre viteve nuk ka lejuar të rritën lider brenda gjirit të saj. Kjo do të kërkojë kohë, nuk është aq e lehtë. Unë besoj se ka kapacitete të cilat me hapësirat e tyre do kenë mundësi të bëhen lider të grupit”, tha Gjergji.
Edhe pse deputete e zgjedhur në kohën kur Lulzim Basha ishte kryetar i Partisë, Gjergji thotë se Basha nuk duhet të kthehet më në drejtimin e PD.