Deputeti i PD, Flamur Hoxha ka deklaruar mbrëmjen e sotme se nëse Partia Demokratike nuk hyn me një kandidat të vetëm në zgjedhje, atëherë PS do të fitojë sërish të gjitha bashkitë e vendit.
Më tej ai tha se deputetët të cilët i janë bashkuar grupit të Rithemelimit, rrinë nën hijen e ish-kryeministrit, Sali Berisha për të mbajtur postin e tyre.
“Më besoni, nëse kampet do ndahen, asnjë bashki nuk do e fitojmë në Shqipëri. Ne nuk kemi betejë me Rithemelimin, por nëse dikush e shikon si dobësi tonën, do thotë se kjo do lërë një shenjë që nuk e bashkon PD-në.
Do duhet që të sakrifikojmë nga vetja, nëse nuk e bëjmë këtë, Rama do jetë në pushtet deri në vitin 2025. 1 milionë shuplakat e 2013-tës, nuk i harroj kurrë, tani janë 2 milionë sepse është ndarë partia”- shtoi ndër të tjera Hoxha.