Rregullorja 48 e Kombeve të Bashkuara e adoptuar nga Komisioni Ekonomik i Kombeve të Bashkuara për Evropën obligon prodhuesit që të gjitha veturat e dedikuara për tregun Evropian t’u vendoset drita e pasme e cila duhet të aktivizohet në kushtet e shikueshmërisë së dobët nën 100m, kryesisht gjatë mjegullës.
Kjo rregullore obligon vendosjen e një ose dy dritave ne varësi të dëshirës së prodhuesit. Në rastet kur vendoset vetëm një dritë, ajo duhet të jetë në anën e shoferit.
Në SHBA, ligji nuk kërkon një masë të tillë sigurie dhe si pasojë e kësaj, veturat atje nuk kanë një dritë të tillë. Shoferët atje nuk e kanë idenë se për çfarë shërben një dritë e tillë apo pse duhet të përdoret.