Kryetarja e Kuvendit të Shqipërisë Lindita Nikolla ka reaguar pak orë pas dhunimit të gazetarit Elvis Hila në qytetin e Lezhës.
“Sulmi ndaj gazetarit të Report TV në Lezhë, Elvis Hila, dhe bashkëshortes së tij është një dhunë e dyfishtë” nënvizoi gjatë një publikimi në rrjetet sociale Nikolla.
Ajo kërkoi zbardhjen e shpejtë të ngjarjes me përgjegjësi dhe transparencë.
Postimi i Nikollës:
Sulmi ndaj gazetarit të Report TV në Lezhë, Elvis Hila, dhe bashkëshortes së tij është një dhunë e dyfishtë: goditje ndaj lirisë së medias dhe njëkohësisht ndaj një gruaje. Dhuna ndaj medias është dhunë ndaj të gjithëve. Media e lirë është një shtyllë e shoqërisë së lirë, një nxitëse e demokracisë, e konsolidimit dhe kontrollit të institucioneve, e edukimit të vlerave demokratike. Inkurajoj agjensitë ligjzbatuese të zbardhin sa më shpejt, me përgjegjësi, profesionalizëm e transparencë këtë veprim të dënueshëm.