Gramshi u trondit pasditen e sotme nga një vrasje e dyfishtë. Xhevit Sinani vrau të vëllanë Shaqir Sinani dhe gruan e tij, Zegjine Sinani.
Krimin e dyfishtë e kreu me dy sëpata të ndryshme. Fillimisht, i moshuari qëlloi gruan në banesë dhe më pas ndoqi të vëllanë në vreshtat e rrushit dhe e masakroi për vdekje.
Ai është arrestuar dhe pritet të merret në pyetje për të zbardhur motivet e krimit.
Fqinjët e familjes Sinani kanë treguar mënyrën se si i njihnin ata autorin e krimit të dyfishtë dhe dy viktimat. Fqinjët Sabri dhe Vera Kurti tregojnë se janë tronditur kur mësuan ngjarjen.
“Familja Sinani njihet në zonë si një familje e qetë, pa probleme. Vëllai i autorit ishte artist pasi ka qenë pjesë e Ansamblit të Gramshit.
U tronditëm kur mësuan ngjarjen” thonë ata. Xheviti e Shaqiri ishin pjesë e grupit të ‘Fyejve të Gramshit’.
Pas krimit të dyfishtë Xhevit Sinani telefonoi fëmijët e tij dhe iu tha se u ka vrarë mamanë dhe xhaxhanë dhe shkoi te krushqit e tij.