Ilir Shaqiri dhe Sabian Medini kanë rregulluar raportet e tyre, duke iu dhënë fund njëhere e mirë keqkuptimeve që u krijuan pas daljes nga shtëpia e “Big Brother VIP”.
Këngëtari Sabian Medini ka surprizuar balerinin dhe koreografin Ilir Shaqiri, i cili ka qenë i ftuar në një studio televizive.
Sabiani ka hyrë papritur në emision dhe ka përqafuar Ilirin, duke e përlotur këtë të fundit.
Sabiani: Jemi shumë pranë studios ku ne dolëm të përqafuar me fitoren tënde të madhe, dhe thashë të vij të përqafojë prapë vëllain tim.
Iliri: Ky takim do bëje namin, ma jep dorën, çkemi, kështu rrinim në atje dorë për dore. Deri nga maji jemi dëgjuar, pastaj ishte dasma që ky s’më erdhi, se tha e di që Iliri s’do më vije në dasmën time e as unë spo i shkoj. Gjithsesi emrin e kishe aty.
Sabiani: Këtu nuk kemi ardhur për autokritikë. Njerëzit kur duhen shumë bëhen pak fanatikë dhe xhelozë për njëri-tjetrin.
Iliri: Nuk ka ndodhur asnjë gjë, nganjëherë një fjalë më shumë e më tepër sjellin ndonjë keqkuptim dhe njerëzit që i përcjellin dhe interpretojnë. Kjo ishte historia.
Sabiani: Unë Ilirit i them që ka qenë gjithmonë vëllai im, edhe më vëllanë nga nëna ndonjëherë zihem, por Iliri e di pesë minutshin tim dhe e di që e ka vuajtur pjesën që ne nuk kemi folur.
Iliri: E vërtetë është.