Mungesa e kryeministrit Edi Rama në Kuvend për të marrë pjesë në interpelancën e thërritur nga opozita, lidhur me çështjen McGonigal, solli reagimin e ashpër të deputetëve të Partisë Demokratike dhe Partisë së Lirisë.
Kryetarja e Kuvendit, Lindita Nikolla u kërkoi deputetëve që vërejtjet dhe kërkesat e tyre të depozitohen me shkrim duke theksuar se nëse ata, kanë ardhur me mendimin për të bllokuar seancën, kjo nuk do të ndodhë.
Në shenjë proteste nuk munguan edhe bilbilët, me të cilët disa deputetë u përpoqën të mos lejonin vijimin e punimeve. Por Nikolla vijoi me votimin e ligjeve të rendit të ditës. Seanca u mbyll me këtë pamje.