Dosja “McGonigal”, pra marrëdhënia e kryeministrit Edi Rama me ish-zyrtarin e lartë të FBI-së i cili aktualisht akuzohet në vendin e tij për mosdeklarim të një borxhi, ka ngritur “në këmbë” opozitën.
Por prestigjiozja amerikane “New York Times”, e bën të qartë se McGonigal ka përdorur kredenciale zyrtare, emailin zyrtar dhe telefonin zyrtar për të komunikuar me Edi Ramën dhe qeverinë shqiptare dhe kjo është shumë e qartë se ai nuk kishte si qëllim ta fshihte këtë marrëdhënie.
“Gatishmëria e zotit McGonigal për t’u takuar me kreun e shtetit në Shqipëri, një vend që ka një prani diplomatike amerikane, sugjeron se ai nuk po e mbante të fshehtë përfshirjen e tij atje nga kolegët. Ai gjithashtu përdori adresa e emailit zytrtare të FBI dhe telefonin zyrtar për çështjet që lidhen me Shqipërinë, tha një person me njohuri në hetim”, thuhet në shkrimin e “New York Times”.
Kurse për 225 mijë dollarët që zyrtari i lartë e FBI-së kishte marrë nga Agron Neza, në shkrim thuhet se ishte një borxh dhe nuk ka lidhje me ryshfet.