Autoritetet në aeroportin e Prishtinës janë vënë sot në alarm pas një telefonate anonime në sallën operative të policisë së kryeqytetit për një bombë.
Zëdhënësja e Aeroportit Valentina Gara, ka njoftuar se pasi është marrë kërcënimi udhëtarët dhe personeli janë evakuuar.
“Konfirmojmë se kemi marrë një kërcenim me bombë. Udhëtarët dhe personeli janë evakuuar. Ekipet emergjente janë në terren”, ka deklaruar ajo.
Policia e Kosovës ka njoftuar se kërcënimi është marrë rreth orës 16:00 dhe se janë marrë menjëherë masat për menaxhimin e situatës.