Banorët e disa qyteteve në Turqi që u goditën nga tërmetet e fuqishme kanë rrëfyer momentet e tmerrit.
Tulin Akkaya, që jeton në Diyarbarkir, rreth 450 kilometra në lindje të vendit ku ndodhën tërmetet, ka thënë se po tentonte të qetësohej nga tërmeti i parë kur befasisht ndodhi i dyti.
“Jam shumë e frikësuar. Jam frikësuar aq shumë sepse jetoj në katin më të lartë të ndërtesës. Të kapluar nga paniku dolëm jashtë. Nuk po mund të kthehem në apartament – nuk e di se çfarë tjetër do të ndodhë”, tha ajo për agjencinë e lajmeve AFP.
Melisa Salman që jeton në Kahramanmaras, ka thënë se jeta në qendrën e lëkundjeve nuk është diçka e re për të, por se sot për herë të parë ka përjetuar diçka të tillë të këtyre përmasave.
“Menduam se është apokalips”, shtoi ajo për mediat ndërkombëtare dhe ato lokale.
Epiqendra e tërmetit të parë me fuqi shkatërruese prej 7.8 ishte në afërsi të qytetit Gaziantep.