Tre shqiptarë kanë rënë në pranga në Athinë si pasojë e dy operacioneve antidrogë.
Lajmin e kanë bërë të ditur mediat e huaja, sipas të cilave janë sekuestruar rreth 30 kg marijuanë.
Në operacionin e parë në Kipseli, në një banesë, janë gjetur dhe sekuestruar rreth 25 kg marijuanë, 2.4 gram kokainë, 3 peshore, 100 euro, 2000 lek, 2 celularë dhe në pranga kanë rënë dy shtetasit shqiptarë 37 dhe 38 vjeç.
Ndërkohë në një tjetër operacion, në një banesë në Agio Pantaleimona, policia sekuestroi 5.5 kg marijuanë dhe 2 celularë. Ne pranga në këtë operacion ra një 38-vjeçar shqiptar.