Një 38-vjeçar ka humbur jetën në ujërat e liqenit Maggiore në Meina të Italisë. Ai u nxor disa orë pas kërkimeve nga zhytësit e Zjarrfikëses.
Viktima është identifikuar si Fetsim Brakollari, dhe trupi i tij u gjet në 20 metra thellësi, pranë skelës ku ankorohen anijet. Zhytësit erdhën nga Milano, edhe pse kolegët e Aronës kishin shkuar menjëherë sapo u dha njoftimi.
Ishin turistët ata që dhanë alarmin në orën 06.00 të së premtes, të cilët kishin parë nga dritaret e hotelit përpjekjet e dështuara të shqiptarit për të dalë nga uji.
Ai ishte zhytur për të nxjerrë në breg një varkë me pedale, e cila ishte larguar për shkak të erës në mes të liqenit. Pritet hetimet e policisë të zbulojnë shkakun pse 38-vjeçari u mbyt.