Një moment mrekullie është regjistruar në Hatay të Turqisë, ku plot 60 orë pas tërmetit që u ka marrë jetën mijëra personave, një jetë e vogël është shpëtuar. Bëhet fjalë për një foshnje 20-ditëshe, e quajtur Kerem Ağırtaş që u nxor shëndoshë e mirë nga rrënojat e banesës ku jetonte. Ajo çfarë e bën më të ndjeshme situatën është fakti se teksa e nxorën nga rrënojat të gjallë, ekipet e shpëtimit i gjetën në duar foshnjës flokë të nënës së tij.
