Disa nxënës në një shkollë fillore në Lamia të Greqisë kanë tentuar që të helmojnë një bashkëmoshatar me helm miu.
Ata i kanë hedhur helm miu në ujë shokut të klasës. Fëmija ka pirë ujë nga shishja e tij, por më pas e ka pështyrë duke thënë se ishte shumë i hidhur.
Një nga mësueset e shkollës që ndodhej pranë nxënësit i kërkoi të voglit të mos pinte më ujë nga shishja, por të shkonte te çezmat e shkollës.
Disa orë më vonë, një fëmijë tjetër nga e njëjta klasë, ndoshta për shkak të pendimit, i rrëfeu nënës së tij se në mesditë në shkollë, së bashku me një shok tjetër të klasës, i hodhën helmin e miut në ujin shokut të klasës.
I menjëhershëm ka qenë reagimi i mamasë teksa ka njoftuar familjen e vogëlushit, prindërit e të cilit e kanë dërguar në spitalin e qytetit ku ai qëndron prej tre ditësh. Sipas mediave greke, sasia e helmit që ka arritur në organizmin e të miturit që qenë e vogël dhe fatmirësisht nuk i ka rrezikuar jetën.