Ilir Alimehmeti anëtar i këshillit kombëtar të PD në një intervistë për ‘Ora News’ foli lidhur me protestën që do të organizohet ditën e nesërme nga ana e opozitës. Alimehmeti thotë se e gjitha po bëhet për të ardhmen e të rinjve.
Ilir Alimehmeti: Nesër ditë e shtunë, 13 shkurt do të jemi në shesh. Kjo do të pasohet dhe me aksione të tjera. Gjithë kjo bëhet për të ardhmen, për të rinjtë dhe fëmijët. Duhet t’ju tregojmë një dritë në fund të tunelit. Nëse një shtet tenton të shuajë opozitën do të thotë se po shkon drejt formave diktatoriale të shtetit. Kur ne luftojmë për diçka në efekt të të gjithëve e mira do të të gjejë.
A ka rrezik që protesta e thirrur nga PD të kthehet në një protestë të dhunshme?
Ilir Alimehmeti: Në çfarëdolloj grumbullimi të madh njerëzish asnjëherë nuk i dihet se ndonjë gjë ndodh. Nuk ka një skenar të tillë. Për disa lloj skenaresh ka dhe një përgatitje përpara. Jo në mënyrë të sigurtë. Dhuna e fortë nuk ka qenë ndonjëherë në ndihmën tonë kështu që do të ishte gjëja e fundit ku do të shkonim ne. Unë jam pro protestave kurorzuese, por nuk bën sens fjala e fundit e para. Ne dalim me një objektiv të qartë. Dalimpër një të ardhme, për një shpresë, për një alternativë pozitive.