Vetëm pak minuta përpara nisjes së protestës së opozitës, forca të shumta policie janë vendosur përpara kryeministrisë dhe parlamentit.
Bashkë me forcat e policisë, përpara kryeministrisë janë vendosur edhe autoblindat e ujit të cilat do të qëndrojnë në gatishmëri në rast se protestuesit do të përpiqen të krijojnë incidente ashtu si në protestat e mëparshme.
Opozita do të dalë sërish në protestë para kryeministrisë me një skenar ndryshe. Këtë herë opozita ka vendosur të protestojë në mbrëmje por pa një skenar të përcaktuar.