Një zyrtare e lartë e Ministrisë së Mbrojtjes në Rusi është gjetur e pajetë. Mediat ruse raportojnë se ajo është hedhur nga dritarja e një apartamenti në Shën Petersburg.
Marina Jankina, 58-vjeçe, ishte shefe e financave dhe prokurimit në Ministrinë e Mbrojtjes.
Trupi i saj i pajetë u gjet para ndërtesës ku ajo jetonte.
Hetuesit pretendojnë se bëhet fjalë për “vetëvrasje”, kurse vdekja e saj vjen vetëm disa ditë pasi gjenerali rus Vladimir Makarov, të cilin së fundmi e kishte shkarkuar presidenti rus Vladimir Putin, u gjet i vdekur jo larg Moskës.
Edhe në rastin e gjeneralit të vdekur rus, hetuesit pretendojnë se bëhet fjalë për “vetëvrasje”. E këto “vetëvrasje” po bëhen çdo herë e më të shpeshta në elitën politike ruse.