Ministria e Punëve të Brendshme në Bullgari ka njoftuar se brenda një kamioni në fshatin Lokorsko afër Sofjes janë gjetur 18 trupa të pajetë emigrantësh.
Në kamionin që transportonte lëndë drusore ndodheshin rreth 40 persona.
14 persona u transferuan në spitalet e Sofjes në gjendje të rëndë, ndërsa të emigrantëve të tjerë iu dha ndihmë në vendin ku u gjetën.
Mediat bullgare raportojnë se emigrantët ishin fshehur në një vend të veçantë fshehjeje nën ngarkesë, e se ata kaluan një kohë të gjatë pa ushqim dhe ujë.
Sipas mediave bullgare, drejtuesit e mjeteve janë larguar dhe janë në kërkim.