Policia e Durrësit ka arrestuar një 38-vjeçar, pasi kishte kryer disa vjedhje. Në pranga ka rënë G.Ll., i cili është kapur në flagrancë teksa theu xhamin e një makine dhe vodhi sendet personale që ndodheshin brenda automjetit.
Pas arrestimit të tij, u zbardhën edhe dy vjedhje të kryera më herët nga i arrestuari gjatë periudhës janar-shkurt.
Ndërkohë policia ka vijuar hetimet për të zbardhur të gjitha vjedhjet që 38 vjeçari mund të ketë kryer.