Ilir Meta beson se 14 maji do të jetë dita e ndëshkimit për bandën e “Rilindjes” dhe se bashkitë do t’u kthehen qytetarëve.
Nëpërmjet një postimi në “Facebook”, kreu i Partisë së Lirisë u shpreh se në këto zgjedhje do të ndëshkohet arroganca dhe korrupsioni.
“Më pak se tre muaj na ndajnë nga dita e Ndëshkimit të Madh për bandën e “Rilindjes” dhe Ndryshimit të Madh që shqiptarët meritojnë në të gjithë vendin. 14 Maji është dita e ndëshkimit të arrogancës, korrupsionit të shfrenuar dhe mungesës së transparencës dhe llogaridhënies. Bashkitë do t’u kthehen qytetarëve!”, ka shkruar Meta.