Gara për Tiranën, Arian Galdini: Jam kandidat i të djathtëve që nuk e duan më opozitën të marrë peng nga Sali Berisha e Ilir Meta

Kandidati i djathtë për Tiranën Arian Galdini ftoi qytetarët që të mbështesin nismën e tij. Ai theksoi se është kandidati i të djathtëve që janë qartësisht kundër Berishës dhe Ilir Metës që e kanë marrë peng opozitën. “Kam zgjedhur këtë ditë që të ftoj qytetarët për të mbështetur këtë nismë. Unë kam një qasje politike, aktivizim politik 33 vjeçar si njeri i së djathtës. Jam i djathtë me vendim, me doktrinë, bindje, ide sepse kam zgjedhur të jem i djathtë dhe nuk i përkas asnjë konjukture të realitetit politik që ne kemi njohur si të djathtë në këto 33 vite. Nuk jam as kandidat i Sali Berishës, as i Edi Ramës, ai lir Metës dhe as i Erion Veliajt. Dua të jem kandidat i qytetarëve shqiptarë, fillimisht i të djathtëve që janë qartësisht kundër Sali Berishës dhe Ilir Metës. Unë besoj që ka qytetarë që besojnë tek e djathta, që nuk e duan më opozitën të marrë peng nga Sali Berisha e Ilir Meta. Dua mbështetjen e qytetarëve të Tiranës, pavarësisht përkatësisë politike”, deklaroi Galdini.