Disa ditë para se të shënohet 1 vit nga nisja e pushtimit të Ukrainës nga ana e Rusisë, presidenti Vladimir Putin, mbajti një fjalim në Asamblenë Federale të vendit. Presidenti rus ka vijuar me akuzat e tij në drejtim të Perëndimit.
Sipas Putinit, qëllimi i “agresionit” ndaj vendit që ai drejton është eliminimi i konkurrencës. “Perëndimi kërkon që të kthejë një konflikt lokal në global”, u shpreh Putin. Lideri rus akuzoi Perëndimin se po tenton që “të kthejë një konflikt lokal në global”.
Putin u ndal po ashtu tek të drejtat e komunitetit LGBT+, një temë që ai e trajton shpesh në fjalimet e tij. “Familje do të thotë një bashkim mes një burri dhe një gruaje”, u shpreh ai ndërsa shtoi se kështu thonë tekstet e shenjta të çdo feje në Tokë. “Perëndimi po i vë në pikëpyetje këto tekste të shenjta. Ne duhet të mbrojmë fëmijët tanë nga degradimi dhe degjenerimi”,-shtoi Putin.