Pedagogët kanë dalë sërish në protestë, sikurse e kishin paralajmëruar. Ata kanë 9 kërkesa drejtuar Ministrisë dhe qeverisë “Rama 3”.
“Duam rritje page, dhe të rritet buxheti për arsimin”, thanë pedagogët. Mes të tjerash ata iu bënë thirrje studentëve që t’i bashkohen tubimeve të tyre, për një kauzë të përbashkët.
Universitete po përballen me boshatisjen e auditoreve nga studentët, të cilët po zgjedhin që të shkollohen jashtë vendit, por dhe me largimin e pedagogëve për shkak të pakënaqësive.