Një aksident me pasojë plagosjen e një gruaje ka ndodhur në bulevardin Republika në Korçë.
Menjëherë pas ngjarjes, 69-vjeçarja është transportuar në spitalin e Korçës, ndërsa mësohet se është jashtë rrezikut për jetën.
Drejtuesi i mjetit është shoqëruar në polici.
“Më datë 22.02.2023, rreth orës 13:00, në lagjen nr. 1, në bulevard “Republika”, automjeti tip “BMW” me drejtues shtetasin M. D., ka aksidentuar këmbësoren N. K., 69 vjeçe, banuese në Korçë, e cila ndodhet jashtë rrezikut për jetën. Me drejtuesin e mjetit po kryen veprimet e mëtejshme procedurale.
Grupi hetimor po punon për përcaktimin e shkaqeve të aksidentit.”, thuhet në njoftimin e policisë.