Të tjera detaje janë zbardhur nga vrasja e shqiptarit Pëllumb Islami në Athinë.
Janë identifikuar 4 nga 7 shqiptarët që u përfshinë në sherrin masiv, ku mbeti i vrarë aksidentalisht Islami.
Sipas mediave vendase, të dyshuarit mendohet se janë arratisur drejt Shqipërisë për t’i shpëtuar arrestimit nga policia.
Personat e përfshirë në këtë konflikt janë pjesë të dy grupeve kriminale të trafikut të drogës, trafikut të qenieve njerëzore dhe gjobvënies.
Dy bandat janë rivale me njëra-tjetrën, çka çoi dhe në sherrin masiv. Një natë më parë, 7 shqiptarët u futën në një lokal në Athinë, dhe pas një sherri të ashpër, njëri prej tyre ka qëlluar me armë.
Një prej plumbave ka kapur aksidentalisht 40-vjeçarin, duke i marrë jetën në vend. Viktima nuk kishte asnjë lidhje me personat në fjalë, ndërsa raportohet se ishte duke parë ndeshjen me shokët e tij.