Tre rrjete televizive që kritikuan qeverinë turke për menaxhimin e pasojave të tërmetit që goditi vendin më 6 shkurt janë sanksionuar nga Këshilli i Lartë për Komunikimin Audiovizual.
Rrjetet Halk TV, Tele 1 dhe Fox TV, u gjobitën dhe u është ndaluar përkohësisht transmetimi për “informacion dhe komente për tërmetin”.
Halk TV dhe Tele 1 u dënuan me gjobë prej pesë për qind të fitimit të tyre në janar dhe me pesë ditë ndalim të transmetimit të programit ditor. Halk TV dhe Fox TV, u gjobitën gjithashtu me tre për qind të fitimit të tyre në janar, transmeton Telegrafi.
Të tre rrjetet njihen për kritikat e tyre ndaj qeverisë së presidentit Recep Tayyip Erdogan.