Seanca në Parlament vijon që të jetë në kaos. Deputeti i PD-së Luan Baçi ka kërkuar arsyen pse është përjashtuar më herët nga seanca plenare, ku edhe tha se nga mbarimi i burgut politik, ai sot u dhunua nga Garda. Për këta të fundit, Baçi tha se qeveria po i merr më qafë dhe se do të çojnë ata para drejtësisë.
Baçi: Kur mbaron dënimi duhet t’i thoni gardës që të më lënë të hyj. Mu hodhën ca nga koka ca nga këmbët. I morët më qafë, se do i drejtohemi institucioneve përkatëse për ta, se nga i marrin këto urdhra. Që isha përjashtuar, e mora vesh nga mediat. Tani keni bërë një zgjidhje shumë brilante, nja 7, 8 kolegë që firmosin për përjashtime.
Nikolla: Flisni për procedurë.
Baçi: (ngre tonet), për procedurë po flas. Ata që më kanë përjashtuar të më thonë argumentet.
Nikolla: Ju po bëni histori…
Baçi: Skandalin e kryeministrit me McGonigal nuk do e kaloni kaq lehtë, do vazhdojmë të kërkojmë komisionin hetimor.