Blegtorja dhe aktivistja Gerta Loku ngriti shqetësimin për mungesën e politikave mbështetëse të Ministrisë së Bujqësisë ndaj fermerëve dhe blegtorëve.
E ftuar në emisionin “Kafe shqeto”, duke folur për problemet e fermerëve dhe neglizhencën e qeverisë ndaj bujqësisë, solli rastin e Kosovës, sipas sa cilës, fermeri atje është i lumtur sepse mbështetet nga qeveria. Me ironi, ajo shtoi se do të emigronte bashkë me dhitë në Kosovë.
“Të zgjohesh në mëngjes për vite e vite me radhë dhe të dëgjosh të njëjtën propagandë politike në televizor dhe shikon që kjo propagandë politike nuk arrin në terren, dhe jo vetëm tek unë, por tek gjithë pjesa më e madhe e të gjithë atyre fermerëve që njoh, këtu them diçka nuk shkon. Këtu, në Shqipëri, sot fermerët janë një kategori shumë e pakënaqur nga ajo çfarë bëhet atje në Tiranë”, u shpreh Loku.