Presidenti i Italisë Sergio Mattarella, duke shprehur dhimbjen për mbytjen e anijes në brigjet e Crotone, bën thirrje për “një angazhim të fortë nga komuniteti ndërkombëtar për të adresuar shkaqet që qëndrojnë në themel të flukseve të emigrantëve; luftërat, persekutimet, terrorizmi, varfëria, territoret jo mikpritëse ndaj ndryshimeve klimatike”.
Për të është po aq thelbësore që BE-ja më në fund të marrë përgjegjësinë konkrete për qeverisjen e fenomenit migrator për ta shpëtuar atë nga trafikantët e qenieve njerëzore, duke u angazhuar drejtpërdrejt në politikat migratore.
“Jam thellësisht e pikëlluar nga mbytja e tmerrshme e anijes në brigjet e Kalabrisë. Humbja e jetës së migrantëve të pafajshëm është një tragjedi. Të gjithë së bashku, ne duhet të dyfishojmë përpjekjet tona për Paktin për Migracionin dhe Azilin dhe Planin e veprimit në qendrën mesdhetare”,-shkruan në Twitter presidentja e Komisionit Evropian, Ursula von der Leyen.