36 persona kanë gjetur vdekjen dhe dhjetëra të tjerë janë plagosur pas një përplasjeje “kokë më kokë” midis dy trenave në Greqi. Përplasja ndodhi jashtë qytetit qendror të Larissa.
Operatori hekurudhor Hellenic Train raportoi se rreth 350 persona kishin qenë në trenin e pasagjerëve, i cili u nis nga Athina në orën 19:22.
Kostas Karamanlis, ministri grek i Transportit, dha dorëheqjen pasi vizitoi vendin e përplasjes, duke thënë se e ndjente se ishte “detyrë” e tij të jepte dorëheqjen.
“Dhimbja është e pashpjegueshme. Kur ndodh diçka kaq tragjike, nuk është e mundur të vazhdohet sikur të mos ketë ndodhur asgjë…E konsideroj si element të domosdoshëm të demokracisë sonë që qytetarët e vendit tonë t’i besojnë sistemit politik. Kjo quhet përgjegjësi politike”, citohet të ketë thënë ai.