Policia e Shtetit në bashkëpunim me Interpol kanë arrestuar në Fier një 67-vjeçar, pjesëtar i një grupi kriminal që merrej me trafik droge dhe armësh kryesisht në Spanjë.
Shtetasi me inicialet Gj.P, banues në Fier, i cili ishte në kërkim ndërkombëtar nga drejtësia spanjolle me akuzat “Trafikimi i narkotikëve”, “Kultivimi i bimëve narkotike”, “Organizata kriminale”, “Armëmbajtja pa leje” dhe “Vjedhja e energjisë elektrike”.
Kjo akuzë e fundit tregon edhe si banda përshtaste ambiente të mbyllura në vendin e BE-së për t’i shndërruar në “shtëpi bari”, duke kultivuar kanabis falë disa llambave, që konsumojnë një sasi të konsiderueshme energjie. Pak ditë më parë, një tjetër pjesëtar i bandës ishte arrestuar po në të njëjtin qytet, kësaj radhe 22-vjeçari XH.A.