Zv.Kryeministrja dhe Ministrja e Infrastrukturës dhe Energjisë Belinda Balluku dhe kryetari i bashkisë Mat Agron Malaj festuan së bashku me mësuesit dhe nxënësit e shkollës 9-vjeçare “31 Korriku” Burrel festën e bukur të 7 Marsit. Drejtoresha e shkollës Anila Stafasani u uroi miërseardhjen, ndërkohë që pritja nga stafi pedagogjik dhe nxënësit ishte mbresëlënëse për numrin dy të qeverisë.
Teksa bisedonte me mësuesit e nxënësit e shkollës më të madhe në rrethin e Matit, shkollë kjo ndër të parat në këtë trevë, Balluku i falenderoi për rezultatet e arritura, sidomos në konkursin e fundit të gjuhës shqipe, teksa “31 Korriku” u rendit në vendin e katërt në shkallë kombëtare. Balluku dhe Malaj ndoqën një koncert të bukur artistik, përgatitur me kujdes nga talentet e shkollës.
Në një postim të saj Belinda Balluku tha se: “Në këtë 7 Mars, me nxënësit dhe mësuesit e shkollës “31 Korriku” në Burrel, një nga shkollat model të vendit ku aplikohen programet e reja të arteve dhe zejeve, smart club dhe realizimi detyrave në shkollë, programe të lançuara nga Ministria e Arsimit, të cilat janë mirëpritur nga të gjithë prindërit dhe nxënësit. Në këtë ditë të veçantë, urimet më të mira për të gjithë mësueset dhe mësuesit për të gjithë kontributin dhe angazhimin e tyre në arsimimin dhe edukimin e dhjetëra brezave.”