Kohët e fundit është përfolur për një romancë të mundshme mes supermodeles Naomi Campbell me këngëtarin Laim Payne që është 23 vite më i ri. Ata të dy nuk e kanë pohuar asnjëherë këtë, por kanë qenë paparacët dhe mediat e huaja që shkruanin për lidhjen e tyre. Ndërkohë që nuk e morëm vesh kurrë nëse ata ishin bashkë, vjen lajmi që mes tyre ka marrë fund gjithçka.
Pra pa filluar mirë, ka marrë fund dhe mediat e huaja shkruajnë se ka qenë modelja që i ka dhënë fund pasi u mërzit me këngëtarin. “Naomi ka marrë vendimin për t’i lënë gjërat të ikin. Ajo nuk është më me Liam më dhe e ka hedhur mënjanë këtë histori. Thjesht u mërzit. Ai ishte gjithmonë më i dhënë në këtë histori dhe, për sa i përket asaj, ata kurrë nuk ishin zyrtarisht bashkë. Gjithmonë ka qenë shumë e rastësishme”, është shprehur një burim afër modeles.
Miqtë afër këngëtarit simpatik thonë se Liam, i cili ka një djalë dyvjeçar me ish-in e tij Cheryl Tweedy, “nuk mund ta besonte se ishte me Naomin”. Ai thoshte se ishte i lumtur që ishte me dikë, fotografitë e së cilës i kishte në murin e shtëpisë së tij ndërsa rritej në Ëolverhampton. Marrëdhënia e lulëzimit të çiftit u kap në mediat sociale kur ata të dy lanë një varg pëlqimesh dhe komente flirtuese për njëri-tjetrin.