“Gruaja” e re e Kanye West po njihet me një nga fëmijët e tij. Kanye dhe Bianca Censori u panë në Universal Studios Hollywood me North këtë javë, me West që kishte vendosur një kapuç për të mbajtur të fshehur identitetin e tij jo shumë sekret.
Censori mbante po ashtu një kapele, ndërsa 9-vjeçarja North ishte e veshur me veshje të zezë. West u pa gjithashtu dorë për dore me Censorin dhe vajzën e tij teksa ecnin nëpër park.
Reperi gjithashtu bëri që vajza e tij dhe Censori të kalonin kohë së bashku në janar kur dolën për darkë në Malibu, pak pasi ai “u martua” me arkitekten australiane.
Ndërsa ish-gruaja e tij, Kim Kardashian, dhe familja e saj thuhej se ishin “të hutuar” dhe “të shqetësuar” nga dasma jo-ligjore, familja e Censorit ishte më mbështetëse.
Censori dhe West kanë qëndruar larg vëmendjes që kur u martuan. Martesa ende jo ligjore e reperit – erdhi gati dy muaj pasi ai dhe Kardashian, finalizuan divorcin e tyre.
