Një ngjarje fatale është shënuar në Teksas të SHBA. Një vajzë 3 vjeçe ka vrarë aksidentalisht të motrën, 4 vjeçe.
Sherifi i qarkut, Harris Ed Gonzalez, tha se vajzat ishin në dhomën e gjumit të një apartamenti në Bammel North Houston Road në Hjuston, ku jetonin me prindërit e tyre.
Anëtarët e familjes, ndodheshin në ambiente të tjera të banesës dhe vajzat u lanë pa mbikëqyrje. Vajza 3-vjeçare gjeti një pistoletë të mbushur dhe qëlloi vetëm një herë në drejtim të motrës, duke e lënë të vdekur.