Vrasësi serial Dan Hutra vrau motrën e ish-bashkëjetueses, dhe kunatën e saj dhe plagosi Elena Hysën dhe nënën e saj. Ish-bashkëjetuesja e tij, Elena Hysa flet për herë të parë dhe tregon masakrën që ndodhi në banesë, ku pranë saj ishte edhe djali disa muajsh.
Elena tregon se Hutra sapo kishte shkuar në banesën e saj, dhe qëlloi motrën dhe kunatën, ndërsa atë e kishte goditur me thikë në faqe. Ajo tha mes të tjerash se Hutra donte të qëllonte dhe djalin.
“Ka qenë aty e kam parë që ka shkrepur armën drejt meje, pastaj në ato momente ka dalë mami para meje, të më mbronte. E kam shtyrë dhe i dola para mamit. Mbaj mend që na ka sharë, llafe të ndryshme dhe na ka gjuajtur me armë. Donte të qëllonte djalin, e kisha në krah djalin. E kam kapur prej krahu dhe e çova nga dhoma tjetër. Ka ikur me vrap. Më qëlloi me thikë sapo ka hyrë brenda, më qëlloi në faqe. “Do ju vras të gjithë”, tha ai””, pohon Elena për emisionin “Me Zemër të Hapur”.