Seanca e kësaj të mërkure në Gjykatën e Posaçme për të akuzuarit e inceneratorit të Fierit, është shtyrë për në 24 mars . Shkak i shtyrjes mosprania e prokurorit Dritan Prençi.
Prokuroria e Posaçme kundër Korrupsionit dhe Krimit të Organizuar akuzon për shpërdorim detyre dhe korrupsion ish-ministrin e Mjedisit, Lefter Koka, ish-deputetin socialist Alqi Bllako dhe shumë zyrtarë të tjerë.
Sipas SPAK, Bllako, Koka dhe zyrtarët e tjerë kanë shkelur ligjin me procedurat e dhënies së koncensionit, si dhe kanë falsifikuar dokumentet për pronën mbi të cilën është ndërtuar ky objekt.