Gazetari Artan Hoxha deklaroi në studion e emisionit “Të Paekspozuarit” se prezenca më e madhe e botës së krimit është në zonat ku dy rivalët politikë janë afër me njëri tjetrin.
Më tej, gazetari u shpreh se prezencën më të madhe të botës së krimit e sheh në Tiranë, megjithëse në kryeqytet grupet janë më të strukturuara dhe jo aq të ekspozuara.
Sipas gazetarit në zgjedhjet e 14 majit përqendrimi më i madh i këtyre grupeve do të jetë në Elbasan, Durrës dhe Tiranë.
“Në zgjedhjet e 14 majit përqendrimi më i madh i këtyre grupeve do të jetë në Elbasan, Durrës dhe Tiranë.
Prezenca më e madhe e botës së krimit është në zonat ku dy rivalët politik janë më afër më njëri tjetrin. Ku rezultati është i ngushtë, ata marrin peshën, bëhen përcaktues. Në Vlorë nuk ka nevojë të ekspozohesh apo në Kukës.
Implikimin më të madh të botës së krimit e shoh në Tiranë. Meqenëse grupet në Tiranë janë të strukturuara, nuk bëhen kaq të ekspozuara. Merremi me Shkodrën dhe Elbasanin pasi ato ekspozohen. Në zgjedhjet e 14 majit, përqendrimi do jetë në Elbasan, Tiranë, Durrës, pasi këtu është më i rëndësishëm pushteti lokal. Në Durrës kemi parë grupe të strukturuara që herë kanë qenë majtas e herë djathtas. Në Tiranë ndërhyrja është shumë e sofistikuar, nuk është e dukshme, por prezenca është shumë më e madhe, është financiarisht, fizikisht. Organizata, nuk janë banda të ’97. Janë organizata kriminale që kanë 1 mijë njerëz në punë”, tha Hoxha.