Shtyhet për në datë 4 prill seanca për rusen Svetlana Timofeeva, e cila akuzohet për spiunazh, kjo pasi në gushtin e 2022 ajo bashkë me dy miq tentuan të futen në uzinën ushtarake në Gramsh.
Trupi gjykues pritet që në atë datë të dalë në konkluzion përfundimtar, ku do të diskutohet ekstradimi i saj drejt Rusisë. Svetlana Timofeeva i ka kërkuar trupës gjykuese të mos e ekstradojnë pasi atje jeta e saj është në rrezik.
Ajo së bashku me rusin Mikhail Zorin dhe ukrainasin Fadir Mykhaylov (Aplativ) u ndaluan më 20 gusht në Gramsh në uzinën e armëve. Ata u arrestuan pasi ushtruan dhe dhunë ndaj rojeve të uzinës duke i sulmuar ata me spraj në fytyrë.