Ish-banori i “Big Brother VIP”, Amos Zaharia, gjatë një interviste, ka folur për herë të parë rreth komentit që bëri ndaj Kiara Titos.
Gjatë një debati me Luizin, Amos i tha nëpër dhëmbë: “Krisu bashkë me p*tanën tënde”.
Aktori rrëfeu sot se e ka thënë në nerva e sipër dhe do të donte ta tërhiqte mbrapsht.
Amos tregoi se ka kontaktuar familjen e Kiarës, së cilës i ka kërkuar falje për komentin. Ai mendon se ky koment ndikoi te publiku që votoi për ta nxjerrë jashtë kur ishte në televotim.
“Vetëm atë batutën që kam thënë për Kiarën do ta tërhiqja mbrapsht, sepse e kam thënë në nerva e sipër. Nuk dua të justifikoj veten time, sepse është e vërtetë që ne, në nerva e sipër, mund të themi shumë gjëra, por kur je në televizion në një farë mënyre duhet t’a ruajmë pak etikën dhe të japim një shembull më të mirë.
Në atë moment e di që kam bërë gabim, por me të vërtetë ka qenë moment nervash dhe kam kërkuar falje dhe ndjesë edhe familjarëve të saj, kam komunikuar edhe vetë me ta në rrjete sociale.
Njerëz jemi, gabime do të bëjmë, por të jemi edhe pak më tolerantë me njëri-tjetrin. Një gjë është të bësh një gabim dhe me vërtetë t’a kuptosh gabimin dhe komplet gjë tjetër është të bësh një gabim, të kërkosh falje e të bësh po të njëjtin gabim”, tha Amos.