Ka përfunduar mbledhja mes kryetarit të komanduar të PD Enkelejd Alibeaj me Kolegjin e Kryetarëve, ku është diskutuar për listën e kandidatëve për kryebashkiakë në zgjedhjet e 14 majit.
Kreu i degës numër 12, Shpëtim Dushku dhe kreu i degës numër 9, Blendi Sulaj, i kanë vendosur kusht Alibeajt sa i përket emrit të kandidatit për kryetar të Bashkisë Tiranë.
Sipas Dushkut e Sulajt, të dalësh me kandidatë që nuk përfaqësojnë qarkun dhe nuk janë politikë, nuk ia vlen pasi nuk arrihet asnjë fitore.
“Jam për kandidat politik, të jetë deputet. Përndryshe nuk jam pjesë e fushatës dhe jap dorëheqje nga kryetar i degës”, mësohet të ketë thënë ai.
“Të mos nxjerrim kandidat nëse nuk është politik, duke fituar Tiranën ke arritur fitore politike, nxjerrja e kandidatit nuk vlen nëse nuk është njeri politik. PD e mund koalicionin ‘Bashkë për Fitore’ në Tiranë për Këshillat bashkiakë”, është shprehur Sulaj.