Parlamenti i Hungarisë votoi në seancën e sotme për ratifikimin e anëtarësimit të Finlandës në NATO, duke bërë një hap të rëndësishëm drejt hyrjes së këtij vendi në aleancën ushtarako-politike.
Për këtë propozim votuan 182 deputetë, ndërsa kundër ishin gjashtë.
Hungaria dhe Turqia janë të vetmet vende të mbetura të NATO-s që deri më sot nuk e kanë ratifikuar ende anëtarësimin e Finlandës në këtë organizatë.
Edhe pse hyrja e Finlandës dhe Suedisë në NATO është dashur të konsiderohet si paketë, Turqia tha se Suedia ende nuk i plotëson kërkesat dhe se ky vend do të diskutojë vetëm anëtarësimin e Finlandës në NATO.