Eksperti i sigurisë rrugore, Fatmir Hasho, thotë se drejtuesit e mjeteve i frikësohen më shumë kamerave të vendosura në rrugë për monitorimin e sigurisë, se policëve. Për të forma e digjitalizuar e ndëshkimeve është më efikase sepse natyrshëm marrëdhënia mes njerëzve është më e manipulueshme.
“Nëse nëpërmjet këtij sistemi monitorimi do të vendosen këto gjoba ne kemi mundësi që të verifikojmë dhe personat të cilët kanë shkelje të shumta në një afat të shkurtër kohor ku duhet të merren masa shumë të rrepta ndaj këtyre personave”,-tha eksperti.
Nga ana tjetër, Hasho nënvizoi edhe se është e rëndësishme që të vlerësohen edhe ata shoferë që nuk janë përfshirë në aksidente, apo nuk janë ndëshkuar, por bëjnë lëvizje të gabuara në rrugë, në mënyrë që të parandalohen aksidentet.